ازاى نعمل اكسسوارات بالريزن؟
كتابة وإعداد
د. دعاء محمد
السلام عليكم و رحمة الله و بركاته، النهاردة هنتكلم عن موضوع ناس كتير سألتنا عنه و عشان كدة انا
حبيت اني اكتب عنه
النهارده هنتكلم عن كيفية عمل الاكسسوارات بالريزن فى خطوات سهله وبسيطه
بس قبل مانتكلم عالخطوات خلونا الاول نعرف ايه هى الأدوات اللى هنحتاجها و دي هتبقي كالاتي
     
    خلاص كدة احنا جاهزين نبدأ نشتغل، مبدئيا كدة فى خطوات ثابتة هنعملها كل مرة قبل ما نشتغل بالريزن سواء عملت اكسسوارات او لوحات او اى حاجة من شغل الريزن , تعالى نعرفهم
     احنا عندنا علبتين واحدة مكتوب عليها راتنج ايبوكسى والتانية مكتوب عليها مصلب، ناخد الكمية اللى هنحتاجها للشغل بمساعدة الميزان الحساس اهم حاجة النسبة بينهم تكون ١:٣  ونخلطهم مع بعض كويس جدا لحد ما الخليط يكون شفاف باستخدام العصيان الخشبية بس نخلطهم ببطء عشان متعملش فقاعات
    نقسم كمية الايبوكسى فى اكواب بلاستيك ونبدا نضيف عليهم الالوان اللى هنستخدمها سواء كانت الوان سائلة او الوان بودرة كمية صغيرة منهم هتديك اللون اللى انت محتاجه .
    هنخلطهم كويس فى الاكواب لحد ما اللون ينتشر فى المادة كلها
    كدة احنا جهزنا الريزن بالوان مختلفة فى اكواب، دى الخطوات الاساسية اللى لازم نعملها قبل ما نبدأ، بعد الخطوات دى كل تطبيق من تطبيقات الريزن محتاجة خطوات مختلفه
    الخطوات 
    نحضر قالب السيليكون اللى هنشتغل فيه، نختار اى شكل احنا نحبه
     نصب الريزن الملون  فى القالب وعلي حسب ذوقنا نصب لون واحد او لونين او تلاتة براحتنا
     نسيبها 24 ساعة لحد ما تنشف وتتصلب وبعدين نخرجها من القالب لو محتاجة صنفرة هنستخدم صنفرة
    بالتدريج من الخشن للناعم لو مش محتاجة خلاص ونستمتع بقطعة اكسسوار جديدة عندنا
    ممكن كمان نستخدم بدل قالب السيليكون قوالب معدن مفرغة بس دى ليها طريقة مختلفة 
    اولا نثبتها علي حاجة ناشفة زي قطعة خشب مثلا وتكون مستوية وعليها عازل زي سوليتيب بس نحطه بالعكس ونلزق قطعة المعدن عليه ونصب الريزن جواه ونسيبه لمدة 24 ساعة يتصلب ودى ممكن تستخدم لعمل ميداليه
    وممكن كمان نستخدم ورد مجفف للزينة , اننا نصب ريزن شفاف جوة قالب السيليكون وبعدين نحط جواه الورد  ونسيبة  لمدة 24 ساعة ودى طريقة لطيفة عشان تعمل شكل تانى من غير استخدام الوان وبردو
    هيكون حلو جدا