تنظيف DIY

#نظافة #البيت وتعقيمة أصبح شىء لا غني عنة في أي #بيت عشان نحمي نفسنا من مخاطر #البكتريا و #الفيروسات وليعاذ باللة، وكل يوم بنسمع ونشوف اعلانات عن #منتجات تنظيف جديدة واحد #للخشب وواحد #للزجاج وواحد #للبلاط، ومع زيادة #الأسعار بأة صعب إننا نقدر نشتري كل المنتجات دي، وعشان كدة جيت أشرحلكوا النهاردة ٤ #طرق سهلة وبسيطة تعمل بيها منتجات #تنظيف لبيتك بسهولة وأمان

١) #منظف الزجاج و#المرايات

استخداماتة: #تنظيف زجاج #الشبابيك و #المرايات

المكونات:
٢ كوباية مياة
١/٢ كوباية خل ابيض أو خل تفاح
١/٤ كوباية #كحول إيثيلي (تركيز ٧٠٪)
١-٢ نقطة زيوت طبيعية معطرة

#اخلط كل المكونات جيدا وصبها في زجاجة سبراي صغيرة، رش علي أي #سطح زجاجي أو #مراية، أو ممكن رشها علي قطعة من القماش النظيفة، ثم قم بمسح السطح بكل سهولة، الطريقة دي مش بس هتديك سطح نظيف ومعقم بشكل طبيعي، دي كمان هتسيب رائحة طيبة وجميلة تفضل لوقت طويل علي عكس المنظفات #العادية اللي ريحتها مش بتدوم طويلا

٢) منظف الشاور

استخداماتة: حوائط #الشاور في الحمامات والنوادي والصالات الرياضية

المكونات:
خل أبيض
منظف أطباق
زيوت عطر طبيعية (اختياري)
ماء دافيء

إملأ نص زجاجة من الخل وبعدين ضيف عليها ٣٠ - ٤٥ ملي منظف أطباق، وممكن دائما إضافة #الزيوت الطبيعية لإضافة رائحة جميلة، وبعدين إملأ باقي الزجاجة من المياة الدافئة وقم بالرج برفق لخلط جميع المكونات جيدا.

وبعد ما تخلص الشاور المرة الجاية رش من السائل بالاسبراي علي الحوائط، الخل الابيض مش بس هيحافظ علي نظافة و#لمعان #السيراميك، دة كمان هيقتل كل البكتريا اللي علي الحوائط واللي في الحمام

٣) منظف التواليت والأحواض

استخداماتة: تنظيف #التواليت والحوض في حمامات البيت ودور العبادة

المكونات:
١/٤ كوباية باكنج صودا
١/٤ كوباية خل
١٢ نقطة من زيت الشاي الطبيعي

#المكونات اللي فوق دي لا يتم خلطها، وإنما هنصب الباكنج صودا الأول وبعدين الزيت جوة التواليت أو الحوض ونقوم بالتنظيف جيدا باستخدام #الفرشة وبعد الانتهاء من المرحلة يتم إضافة الخل، وقم بالتنظيف جيدا باستخدام الفرشة مرة أخري، الطريقة دي مش بس هتحافظلك علي التواليت أو الحوض دي كمان هتحافظ علي الفرشة، ولو حابب تحافظ علي انتعاش الحمام اليومي ضيف خل مع مياة في زجاجة مع إضافة زيوت طبيعية معطرة ورش يوميا وممكن اضافة زيت علي مناديل مبللة (وايب) ومسح قاعدة التواليت او الحوض يوميا

٤) صابون للوجة والإيدين

استخداماتة: غسيل اليد والوجة يوميا

المكونات
صابون سائل طبيعي
زيوت طبيعية

إملأ زجاجة قديمة أو #Dispencer مياة بنسبة ٤/٥ من حجم الزجاجة وبعدين ضيف الصابون الطبيعي (يعني لو الزجاجة ١٠٠ ملي إملاها ٨٠ ملي لتر مية و٢٠ ملي لتر صابون) وضيف عليهم الزيت الطبيعي علي حسب الرائحة اللي علي مزاجك وهتستمتع بصابون سائل طبيعي من صنع يدك وبالريحة اللي تحبها

كل #الوصفات اللي فوق دي تم تجربتها وأثبتت نجاحها وفاعليتها، وطبعا مش بنقول إنها بديل المنظفات اللي كنا متعودين عليها، ولكن تقدر بيهم تعمل بإيدك منتج طبيعي وجميل هيساعدك توفر فلوسك وتحافظ علي نظافة بيتك

#مركزي #مركز_تحسين_بيتك