types of paintings and colors

 كتابة

مأمير عبد الرحمن

علي مدار التاريخ، استخدم الفنانين طرق متنوعه للتلوين و الرسم، و مع تطور الطرق و الوسائط المستخدمه في التلوين، و تنوع الاذواق الفنيه و دخول تقنيات جديده، تطورت طرق التلوين و الرسم و اصبح في طرق اكتر تتيح للفنان التعبير عن نفسه و فنه.

بس ازاي الفنان يقدر يحدد نوع الالوان المناسب ليه؟ اغلبنا سمع عن الوان المياه، و الزيت و الاكريليك، بس في انواع اكتر من كده بكتير متاحه للفنانين عشان يزودوا في الابداع.

في انواع من الرسم استخدامها اصبح محدود زي الفريسكو و التمبرا، و لكن في انواع تانيه رجع الاهتمام بيها زي الانامل مثلا مع رجوع فن الخط اليدوي و ظهور حرفة الخطاط مره تانيه.

في مقال النهارده هنعرف مع بعض ١١ طريقه للرسم و الالوان..

 و مين عارف.. يمكن طريقه فيهم تكون مصدر الهام لمشروعك الفني الجاي.

١- الوان الزيت

استخدم الفنانين الوان الزيت علي مدار القرون لعمل روائعهم الفنيه. اهم ما يميز هذا الوسيط هو عدم جفافه بسرعه، و ده لأنه مصنوع من اصباغ الوان مخلوطه بالزيت، و الميزه دي بتتيح للفنانين انهم ياخدوا وقتهم في انتاج اعمالهم.

الوان الزيت بتستخدم لعمل اعمال فنيه بملمس رائع نظرا لقوامها المحكم، بالرغم من التفاصيل المحكمه و جوده الاعمال المنتجه يجب العنايه جيدا عند استخدام الوان الزيت للتأكد من عدم وجود عناصر سامه.

 

٢- الوان اكريليك

في انواع متعدده من الوان الاكريليك من حيث الملمس و زمن الجفاف، و لكن اهم ما يميز النوع ده من الالوان هو انه بيذوب في المياه، و انه غير سام، و غير مكلف ماديا، مما يجعله الاختيار الامثل للفنانين مع اختلاف مهاراتهم الفنيه، ده غير ان الوان الاكريليك بيكون عندها قوة تماسك اكبر من الوان الزيت، و غير قابله للشرخ او الاصفرار مع الوقت. 

في انواع تطبيقات كتير للاكريليك، و مع مزج الوسيط المناسب بيكون في مرونه عند الفنان في الشكل النهائي، و تتميز الوان الاكريليك ايضا بمقاومتها للمياه، و عند اتمام جفافها علي القماش يمكن تنظيفها بسهوله.

٣- الوان المياه

الوان الميه معروفه بالاستخدام الأمثل علي الورق، و معروفه بالطبقه الشفافه اللي بتصنعها، و تبقي الوان المياه قابله للذوبان حتي بعد الجفاف، و ده طبعا معناه ان الفنان يقدر يعدل براحته في الرسم حتي بعد الجفاف، و لكن ده معناه ايضا انك لازم تحمي اعمالك بشكل آمن، و يمكن استخدام الوان المياه علي اسطح مختلفه زي القماش، و الخشب، و الجلد.

٤- الوان الجواش

الوان الجواش تشبه الوان الميه في حاجات كتير، و لكن الاختلاف في انها عندما تجف بيكون لونها مطفي عن الوان الميه، و بتكون اتقل في القوام نتيجه اختلاط النوع ده بالطباشير.

الجواش ايضا يشبه الاكريليك في ان الوانه غير شفافه، و يفضل دهان طبقه اخيره من الورنيش علي السطح لحمايته من المياه، و ده طبعا لانه بيذوب مع المياه، و هناك نوع مستحدث اسمه اكرليك الجواش اللي بيزود عامل التماسك مع الاكريليك و بيعطي ميزة مقاومة المياه للالوان الجواش.

 

٥- الوان الباستيل

و يُعرف أيضا باسم "الرسم الجاف" ، وكان استخدام الباستيل شائع جدا من بداية القرن السادس عشر, و يتميز بقلة زمن الجفاف مقارنة بباقي الانواع. 

أكثر أنواع الباستيل شيوعًا هو الباستيل الناعم و النوع ده بيتم دمجه بالطباشير، ولكن تتوفر أيضًا ألوان الباستيل الزيتية ذات القوام الشمعي، و إذا كنت بتبحث عن تأثير الألوان المائية ، يوجد ألوان الباستيل القابلة للذوبان في الماء.

 

٦- الوان شمعيه ENAUSTIC

يعود تاريخ نوع الالوان ده الي الحضاره المصرية القديمة وبيتم صنع النوع ده من الالوان عن طريق إضافة صبغة إلى شمع العسل الساخن، ثم يتم بعد ذلك وضع المعجون الناتج عادةً على الخشب او القماش، ثم يتم استخدام أدوات خاصة لتشكيل ونحت السائل قبل التبريد. 

و عادة يستخدم الفنانون المعاصرون المسدسات الحرارية لزيادة قابلية الطلاء للعمل، و على الرغم من صعوبة إتقان الرسم الغائر، لكن لو اتقنته فمن الممكن إنشاء لوحات معقدة مليئة بالأبعاد والألوان الجميله.

 

٧- الوان فريسكو

الوان الفريسكو هي الوان قديمة اشتهرت بفضل سقف كنيسة سيستين الشهير لمايكل أنجلو و يمكن تصنيع النوع ده من الألوان عن طريق خلط الاصباغ بالماء و تطبيقه علي الاسطح الاسمنتيه قبل جفافها، و عشان كده النوع ده من الالوان يتطلب العمل السريع من الفنانين، عشان اذا جف السطح الاسمنتي (المحاره) لن يكون هناك امكانيه للرسم عليه.

٨- الوان اسبراي

تم اكتشاف طريقة الالوان بالرش الاسبراي لأول مرة في عام ١٩٤٩ وانتشر بشكل كبير في السبعينيات ، عشان فنانين الجرافيتي استفادوا من هذه الطريقه الجديدة، و طبعا بيتم استخدامها بشكل كبير من قبل فناني الكتابة على الجدران على الاسمنت والطوب والمعادن, و يتميز النوع ده من الالوان انه بيجف بسرعة وهو مقاوم للعوامل الجوية، و يمكنك التعرف علي اسعاره و طلبه بالضغط علي اللينك ده. 

العيب في هذا النوع انه بيحتوي على مواد سامة ، عشان كده يفضل استخدامه في الهواء الطلق مع قناع للوجه.

٩- الالوان الكحوليه

و هي في الواقع احبار كحوليه، بتتكون من بعض الاصباغ و يتم مزجها مع الكحول السائل، و هي ممتازه في الاستخدام علي اي سطح صلب غير مسامي ، مثال البلاستيك، السيراميك و الزجاج و طبعا بتكون مميزه جدا عندما يتم خلطها مع الريزن ايبوكسي، و تتميز بمظهرها الشفاف المميز اللي بيظهر نتيجه تطاير الكحول من مزيج اللون عشان يعطي المظهر الرائع الشفاف و يمكنك روؤية تطبيق عملي بالألوان الكحوليه في الفيديو القادم

 

و يمكنك التعرف علي اسعار الالوان الكحوليه المختلفه،  و طلبها و توصلك لحد باب البيت لو ضغطت علي اللينك ده

 

١٠- الوان المايكا باودر

المايكا او الميكا باودر هي عباره عن حجر معدني طبيعي و فيه بعض الحبيبات اللامعه لما بيتم تحويلها لمسحوق  بيكون الناتج مسحوق بألوان زاهيه و مشرقه جدا و يمكن التعرف علي طريقة مزج المايكا باودر مع الريزن لعمل اكسسوارات رائعه في الفيديو السابق.

وعلى الرغم من أن مساحيق المايكا هي الوان بودره ولكنها إلا مثالية لتلوين الريزن و اعطاءه اشكال جذابه و زاهيه.

يمكنك التعرف علي اسعار الوان المايكا المختلفه و طلبها و توصلك لحد البيت لو ضغطت علي اللينك ده

و في منها كمان نوع بيتميز بألوانة المضيئه ممكن تشوف اسعاره و تطلبه من هنا

 

١١- الوان ايناميل

يستخدم نوع الالوان ده علي ايد رسامي اللافتات و للرسم الزخرفي و التخطيط و هو يعتبر نوع من انواع الوان الزيت، و يتميز بأنه لما بيجف بيكون طبقة نهائية صلبة شديدة اللمعان ومقاومة للعوامل الجوية. 

يمكن استخدام النوع ده من الالوان على أسطح مختلفة زي الزجاج والسيراميك والمعادن والخشب والقماش، و يفضل دايما العمل في منطقة ذات تهوية ممتازه مع لبس القناع.

 

تابعونا في المقالات الجايه، عشان نعرف معلومات اكتر عن ال DIY

 

و انضموا لجروب بيزي هاندز اكبر تجمع لل DIYers في مصر و الشرق الاوسط بالضغط علي اللينك ده

يمكنك قراءة مصدر المقال بالضغط علي اللينك ده