"أرضيه جديده بدون تكسير"

كتابه م. أمير عبد الرحمن

 

تكسير البلاط القديم بغرض تركيب أرضيات جديده من العمليات المكلفه جدا و بتكون سبب في فوضي كبيره، هل يا تري في حلول اسهل وأرخص لتغيير الأرضيه بدون الحاجه لتكسير البلاط القديم؟

أيوه فيه، وده اللي هنتكلم عليه بالتفصيل في مقال النهارده

 

بشكل عام في طريقتين رئيستين نقدر ننفذ بيهم ارضيه جديده بدون تكسير، اول طريقه هي الدهان، وتاني طريقه هي التغطيه

 

وقبل ما نشرح كل طريقه منهم بالتفصيل، خلينا نأكد علي أن البلاط القديم اوقات كتير بيكون محتاج نظافه وتلميع فقط بدون الحاجه لتغييره بالكامل، المشكله اللي اغلبنا بيواجهها ان احنا مش بنكون عارفين ايه هي المواد الصح اللي المفروض نستخدمها في التنظيف والتلميع، بس مركزي دلوقتي بيوفرلك المنتجات دي بسهوله وبيعرفنا ازاي كمان نقدر نستخدمها

١- بيتونال - ودي ماده متخصصه في ازالة الاسمنت الجاف والبقع اللي صعب ازالتها من علي البلاط، وكمان ممتازه لإزالة الصدأ و تقدر تعرف اكتر عن طريقة استخدامها بالتفصيل و تطلبها و توصلك لحد البيت لو ضغطت علي اللينك ده

٢- دبليو دي ٤٠ - ودي ماده قويه جدا في إزاله الصدأ والتنظيف وليها استخدامات تانيه كتير، ممكن دلوقتي تعرف استخداماتها وتوصلك لحد البيت لو ضغطت علي اللينك ده

٣- ايبوكسي بولي يوريثان - وده دهان ايبوكسي شفاف للارضيات و الحوائط مطفي ولامع، مناسب للاستخدام الخارجي للحمايه من الحراره و الشمس و الرطوبه، دلوقتي تقدر تطلبه ويوصلك لحد البيت لو ضغطت علي اللينك ده

 

بس طبعا لو مش عاجبك لون او ملمس البلاط ومحتاج تغيره، فهناك طريقتين لعمل الموضوع ده

 

١- دهان البلاط

 

ايه ده ؟! هو انا ممكن ادهن عالبلاط لون كده عادي ؟!

 

كتير اوي بنتسأل السؤال ده لما بنعرض الحل ده علي أي عميل، والإجابه أيوه طبعا ممكن

نقدر ندهن علي البلاط القديم دهانات بألوان جميله و جذابه، وممكن كمان نعمل الألوان اللي نحبها بنفسنا مع الايبوكسي وندهنها باللون اللي نحبه، وده عن طريق الخطوات الجايه

- تنظيف البلاط كويس جدا بأحد المواد اللي ذكرتها فوق (بيتونال - دبليو دي ٤٠)

- تطبيق دهان برايمر شفاف بهدف عمل طبقه لسد فراغات البلاط، دلوقتي تقدر تعرف عن المواصفات الفنيه وطريقة تطبيقه من اللينك ده

- تطبيق معجون ايبوكسي بين فواصل البلاط، بهدف تسوية السطح والتأكد من ملء جميع الفراغات في الارضيه، و دلوقتي تقدر تعرف اكتر عن المواصفات الفنيه وتطلب معجون الايبوكسي من اللينك ده

- دهان الارضيه بدهان ايبوكسي نهائي وبأي لون من اختيارك وتقدر تطلب الدهان الايبوكسي النهائي من اللينك ده

 

٢- تغطية البلاط

 

تغطية البلاط بيكون ليها اكتر من تطبيق، لكن من المهم جدا توضيح ان البلاط مينفعش يتم تغطيته بخشب او باركيه، لكن من الممكن جدا تغطيته بالواح لاميناشن بالوان الخشب وممكن بردو تغطيته بالفينيل، وهنا لازم نوضح الفرق بين الواح اللامينشن و الفينيل، الفرق الاساسي بيكون في الماده الخام المستخدمه، اللاميناشن بيكون ٩٩٪ من الخشب اما الفينيل فبيكون ١٠٠٪ مصنوع من البلاستيك وبالنسبه للاتنين تنفيذهم بيكون سهل، ويجب عدم نسيان خطوة تنظيف البلاط القديم و تحضيره جيدا قبل البدء في تنفيذ الارضيه، وممكن نتكلم بالتفصيل اكتر عن استخدامات النوعين في مقال قادم

 

و يمكن ايضا لصق البلاط جديد فوق البلاط القديم باستخدام ماده لاصقه وليس مونه، و ده عن طريق الخطوات القادمه

- تكسير خفيف فوق سطح البلاط لازالة القشره السطحيه للبلاط في اماكن متفرقه

- تنظيف البلاط كويس جدا بأحد المواد اللي ذكرتها فوق (بيتونال - دبليو دي ٤٠)

التأكد من الافقيه في حالة تنفيذ ارضيات، و التأكد من الرأسيه في حالة تنفيذ حوائط، و يمكن الرجوع لمقال سابق شرحنا فيه بالتفصيل كيفية تركيب البلاط من اللينك ده

- تطبيق الماده اللاصقه

 وهناك نوعين مشهورين في السوق جدا ممكن تطلبهم من علي مركزي ويوصلولك لحد البيت،

النوع الاول بيكون علي شكل بودره اسمنتيه (رمادي او ابيض) ويمكن طلبه من اللينك ده

اما النوع التاني فبيكون عباره عن مونه جاهزه باللون البيج يمكن معرفة مواصفاتها الفنيه و طلبها من اللينك ده

 

اخر خطوه بتكون تركيب البلاط الجديد علي الماده اللاصقه

و في ملاحظتين لازم ناخد بالنا منهم في حالة لصق بلاط جديد، اول ملاحظه ان البلاط الجديد بيكون ليه تخانه علي حسب السماكه بتاعته وبالتالي تركيب بلاط قديم فوق الجديد هيقوم بتعلية منسوب الارضيه المنفذه عن باقي الارضيه، لذلك يجب مراعاة عمل عتبه في حالة تركيب بلاط جديد في غرفه واحده و ليس باقي الغرف

الملاحظه التانيه ف حالة تركيب فينيل او لاميشن يجب التأكد من ان اللون اللي اختارته هو اللون المناسب لان النوع ده من الارضيات بيتم لصقه وبالتالي هيكون من الصعب ازالته بعد التنفيذ

كما يجب ملاحظة ان الفينيل و البلاط و الدهانات الايبوكسيه يمكن استخدامها في الحمامات و المطابخ نظرا لقدرتها الفائقه علي مقاومة الرطوبه، اما اللامينيشن فلا يمكن استخدامه في ارضيات الحمامات لعدم قدرته علي مقاومة الرطوبه بالشكل الامثل

 

في النهايه احب اقول ان عملية تجديد البلاط في البيت من الحاجات اللي بتضفي روح جديده و جميله علي البيت، و بتساعدنا نعيد ديكور البيت بشكل جميل، و لو حابين تعرفو اكتر عن نصايح تساعدكوا علي تحسين البيوت اقروا المقالات القديمه من اللينك ده