"أنواع ملونات الدهانات"

 كتابة

مأمير عبد الرحمن

اختيار نوع الملونات المراد استخدامها بيكون اختيار محير و مربك في بعض الأحيان بسبب أنواع الألوان المختلفة الموجودة في السوق، بس دايما بيكون عندنا رغبه اننا نحصل علي اللمسة النهائية اللي احنا عايزينها للمشروع اللي شغالين عليه، اذا كانت قطعة أثاث او لوحه فنيه او حتي قطعه من الاكسسوارات.

و عشان كده لازم نكون عارفين ايه انواع الملونات المختلفه اللي يمكن استخدامها، و نقدر نحدد نوع الدهان المناسب للمشروع اللي شغالين عليه عشان نوصل بيه لأحسن نتيجه.

في الأول لازم نكون عارفين ان بعض الدهانات بتكون أكثر متانة من غيرها و في بعض الدهانات بيكون عندها القدره انها تغير شكل القطعة تمامًا، و ممكن يكون اختيار الدهان الصحيح عامل كبير في نجاح العمل الفني اللي بتقوم بيه.

و عشان كده احنا النهارده هنتكلم عن خمس انواع دهانات مختلفه، كل نوع فيهم مختلف في الاسلوب و الخصائص و لكن كل واحد فيهم ليه تأثير كبير علي اي مشروع بتنفذه.

ألوان أكريليك

تعتبر دهانات الأكريليك متعددة الاستخدامات ومثالية للعمل بالفرش الدقيقه والتلوين و حتي في استخدامها لتلوين وسائط ذات اساس مائي. يتميز الدهان ده بأنه ناعم وخفيف و عنده جودة صبغية ممتازة، ده غير القوة التلونية و المتانة. و تتميز دهانات الاكريليك انه يمكن تطبيقها على أي سطح مستقر، مثل ورق الألوان المائية و القماش. و يتميز كمان بأنه بيكون دهان سريع الجفاف و يمكن شراؤه بأشكال متنوعة ، أنبوبه صغيره أو زجاجة حبر صغيرة متفاوتة في اللزوجة

و يمكنك التعرف علي سعره و الطلب لو ضغطت علي اللينك ده

 

الوان الزيت

الدهان الزيتي يعتبر متين جدا و بيوفر مظهر لامع. و يكون قوامه ورنيش ناعم وغني. الدهان الزيتي يتميز بأن تغطيته بتكون طويلة الأمد ويمتزج بشكل قوي مع انواع الدهانات الاخري.

زمن جفاف ملونات الزيت بيكون طويل الي حد ما و ده بيكون ميزه للفنان انه بيخد فرصه انه يطور من لوحته تدريجيا، و بيديله الفرصه انه يقوم بإجراء تغييرات على العمل بتاعه لمده أطول. و في نوع من الدهانات الزيتيه بيكون قابل للخلط بالماء، و بيتميز النوع ده بالمرونه و يمكن تخفيفه ايضا لو ضفنا إليه بعض الماء.

ألوان مائية

الألوان المائية بتكون عبارة عن دهان شفاف يحتوي على صبغة و مواد رابطه ، و بيطلق علي الرابطالصمغ العربي، الصمغ العربي هي ماده بتستخرج من نوع شجر معين بينمو بكثره في دولة السودان، و ليه فوائد صحيه كتير و بيشتهر بعلاجه لأمراض كتير، و لكنه بيستخدم ايضا في صناعة الدهانات المائيه لأنه بيمتاز بأنه بيخلق قوة ربط عاليه مع الاسطح المختلفه و بيضمن عدم تقشر الدهان من علي السطح، تتميز الدهانات ذات الأساس المائي بأنها يمكن تنظيفها بسهوله و تتميز بسرعة زمن الجفاف مقارنة بالانواع الاخري.

 

الوان مايكا باودر

المايكا او الميكا باودر هي عباره عن حجر معدني طبيعي و فيه بعض الحبيبات اللامعه لما بيتم تحويلها لمسحوق  بيكون الناتج مسحوق بألوان زاهيه و مشرقه جدا و يمكن التعرف علي طريقة مزج المايكا باودر مع الريزن لعمل اكسسوارات رائعه في الفيديو التالي

 

على الرغم من أن مساحيق المايكا هي الوان بودره ولكنها إلا مثالية لتلوين الريزن و اعطاءه اشكال جذابه و زاهيه.

يمكنك التعرف علي اسعار الوان المايكا المختلفه و طلبها و توصلك لحد البيت لو ضغطت علي اللينك ده

و في منها كمان نوع بيتميز بألوانة المضيئه ممكن تشوف اسعاره و تطلبه من هنا

 الوان الدهانات

الوان كحوليه

و هي في الواقع احبار كحوليه، بتتكون من بعض الاصباغ و يتم مزجها مع الكحول السائل، و هي ممتازه في الاستخدام علي اي سطح صلب غير مسامي ، مثال البلاستيك، السيراميك و الزجاج و طبعا بتكون مميزه جدا عندما يتم خلطها مع الريزن ايبوكسي، و تتميز بمظهرها الشفاف المميز اللي بيظهر نتيجه تطاير الكحول من مزيج اللون عشان يعطي المظهر الرائع الشفاف و يمكنك روؤية تطبيق عملي بالألوان الكحوليه في الفيديو السابق

و يمكنك التعرف علي اسعار الالوان الكحوليه المختلفه،  و طلبها و توصلك لحد باب البيت لو ضغطت علي اللينك ده

 

دول كانوا خمس أنواع ملونات مشهورين يمكن استخدامهم مع انواع الدهانات و علي اسطح مختلفه، بس لازم ناخد بالنا اننا لما بنيجي نختار نوع الملونات المناسبه ، لازم أولا نحدد نوع الدهان اللي هيتم استخدامه بناءً على نوع السطح اللي بتشتغل عليه واللمسة النهائية اللي عايز توصلها.

 

تابعونا في المقالات الجايه، و انضموا لجروب بيزي هاندز اكبر تجمع لاصحاب الخرف و الموهوبين و الفنانين في مصر و الوطن العربي