خطوات عمل طاوله ترابيزه من الريزن

 كتابة

مأمير عبد الرحمن

زي ما عرفنا في المقاله السابقه، مادة الريزن ايبوكسي هي نوع مميز جدا من الريزن، يمكن باستخدامه صنع منتجات جميله و رائعه للبيت، لو مقريتش المقال تقدر تقراه من اللينك ده.

في مقال النهارده هنتعرف علي تطبيق من أشهر التطبيقات اللي يمكن تنفيذها باستخدام مادتين، الأولي خامه طبيعيه قديمه و تقليديه و ليها استخدامات كتير و هي الخشب، و الثانيه هي ماده حديثه و مبتكره و بردو ليها استخدامات كتير و هي الريزن.

 المميز في تطبيق النهاره انه يمكن تكراره مع خامات كثير تانيه زي الأقمشه و المعادن.

تعالوا نعرف مع بعض خطوه بخطوه كيفية صناعة طاوله خشبيه (ترابيزه) باستخدام الخشب و الريزن

١- اختيار الخشب

مرحلة اختيار الخشب اللي هنشتغل بيه مع الريزن هي اول و اهم مرحله، لان لو الخشب اللي اخترناه فيه مشكله ممكن يتسبب ان الشغل كله يبوظ، طيب ايه الحاجات اللي يجب مراعاتها عند اختيار الخشب، اول حاجه ناخد بالنا منها هي سماكة الخشب، يجب اختيار سماكه من ٢-٣ سم لان لو السماكه زادت عن كده هنحتاج ريزن بمواصفات خاصه جدا عشان نقدر نغطي السماكه دي، تاني حاجه ناخد بالنا منها و احنا بنختار الخشب هو محتوي الرطوبه في الخشب، و ده طبعا يمكن قياسه بأجهزه خاصه بتقيس محتوي الرطوبه، بس حتي لو الاجهزه دي مش متوفره ممكن نحافظ علي محتوي الرطوبه بأننا نتأكد من تخزينه في مكان جاف بعيد عن اي رطوبه لان كل ما محتوي الرطوبه زاد داخل الخشب كل ما جوده الخشب اتأثرت

٢- صنفره الخشب

بعد مرحلة اختيار الخشب، يجب صنفرة الخشب بصنفره ناعمه (٣٠٠٠ - ٤٠٠٠) يمكن معرفة سعرها و طلبها من اللينك ده، اهميه الخطوه دي انها بتقفل مسام الخشب و بالتالي بتمنع امتصاص الخشب لمادة الريزن ، و بالتالي بتحافظ علي لون الخشب، و يمكن صنفرة الخشب بصنفره خشنه (٦٠، ٨٠، ١٠٠) و يمكن معرفة سعرها و طلبها من اللينك ده و لكن ده هيأدي ان لون الخشب هيغمق، و طبعا الاختيار في الاخر يعتمد علي ذوقك.

خشب قطع

٣- تقطيع الخشب

بعد الانتهاء من خطوة الصنفره، يفضل تقطيع الخشب لقطع طوليه كما في الصوره، و بعدها يتم تنظيفها بالهواء، او بفرشاه ناعمه لتنظيف اي تراب او شوائب عالقه.

 

٤- تجفيف الخشب

للتأكد من ان الخشب فقد الرطوبه بشكل كامل، ينصح بترك الخشب في الشمس لمده من ٢٤-٤٨ ساعه بعد التقطيع، عشان نتأكد ان الخشب فقد الرطوبه بشكل كامل قبل الشغل، و يجب التأكد من عدم لمس الخشب للمياه لمده ٢٤ ساعه عالأقل.

wooden frame

٥- عمل برواز خشب

في المرحله دي بنقوم بتحضير برواز خشب بأبعاد الطاوله، (طول * عرض) و ارتفاع من ٣-٤ سم، البرواز ده هيكون الغرض من انه يكون قالب للصب فقط، و بعد جفاف الريزن هنشيله، فيجب التأكد من تثبيته جيدا للتأكد من عدم تسريب الريزن اثناء الصب.

تغليف بالبلاستيك

٦- تغليف البرواز و القاعده بالبلاستيك

بعد عمل البرواز، يتم احضار لفه من البلاستيك الشفاف (البولي اثيلين او النايلون) و يتم تغطيه قاعدة الترابيزه كما هو موضح بالصوره، و يجب التأكد من تغطية جوانب البرواز الخشب بالكامل و عدم وجود اي بروزات في البلاستيك لأن الريزن هيقوم بأخذ شكل البلاستيك بعد الصب لذلك يجب التأكد ان سطح البلاستيك ميكونش فيه اي نتؤات او اماكن ظاهره، و يمكن استخدام اللصق (السيلوتيب) للتأكد من تساوي الجوانب بشكل كامل، المرحله دي مهمه لانها هتسهل مرحلة فك الريزن من القالب بعد الجفاف لان الريزن مش بيمسك في النايلون بعكس الخشب اللي بيكون في تماسك قوي بينه و بين الريزن.

٧- وضع الخشب

قم بوضع الخشب بالشكل اللي تحبه داخل القالب (البرواز الخشب)، و يمكن اضافة اي قطع معدنيه او الاحجار او اي قطع اخري تريد الصب عليها، و لكن يجب التأكد من ان ارتفاع اي قطعه متزيدش عن ٣ سم

٨- دهان الخشب

قم بخلط الريزن و المصلب علي حسب تعليمات النشره الفنيه (يمكنك التعرف علي المواصفات الفنيه و اسعار الريزن) بالضغط علي اللينك ده، و لكن في البدايه قم بخلط كميه قليله (٣٠٠ جرام) مثلا، لاستخدامها في مرحلة الدهان فقط، و بعد التأكد من الخلط جيدا، قم بدهان سطح الخشب بفرشه (يمكنك معرفة اسعار الفرش و طلبها بالضغط علي اللينك ده) مع التأكد من وصول الريزن لسطح الخشب بالكامل، و بعد دهان الوجه تقوم بقلب الخشب علي الناحيه الثانيه و دهان ظهر الخشب و الهدف من المرحله دي هي التأكد من سد جميع الفراغات داخل الخشب، و بالتالي مش هيكون في فقاعات هواء اثناء الصب. 

ملاحظة:

يجب ترك دهان الريزن يجف لمده ١٢ ساعه عالأقل و بعدها يتم وضع الخشب في المكان النهائي المراد الصب عليه (لا يمكن تحريك الخشب بعد الصب)

٩- خلط الريزن للصب

قم بخلط الريزن و المصلب بكميه اكبر و في وعاء اكبر (هنقوم بشرح كيفية حساب كميات الريزن لاحقا في المقال) و ترك الريزن لمدة ١٠-١٥ دقيقه (ليس اكثر) للتأكد من التخلص من فقاعات الهواء

١٠- صب الريزن

بعد التأكد من خلط الريزن بشكل جيد و خلوه من اي فقاعات هواء، قم بالصب علي الخشب بالسماكه المطلوبه (يمكنك الصب بكامل السماكه ٣ سم) او يمكنك صب نصف السماكه ١،٥ سم في البدايه ثم صب باقي السماكه علي مرحله ثانيه للتأكد من عدم ارتفاع درجة حرارة الريزن و تأثيره عالخشب، و يفضل ايضا استخدام مجفف الشعر بتوجيهه علي سطح الريزن بعد الصب للتخلص من اي فقاعات علي السطح، ثم ترك الريزن للجفاف لمدة ١٢-٢٤ ساعه.

 

١١- فك الريزن

بعد التأكد من جفاف الريزن بشكل كامل، يتم فك البرواز الخشب ثم ازالة البلاستيك من جوانب و قاعدة القالب، و بذلك يكون سطح الطاوله جاهز لتركيب الأرجل و الاستخدام

 

ملاحظات: 

- بعد فك الريزن من القالب، ممكن ان تكون الجوانب غير مستويه، يمكن معالجة هذا العيب باستخدام الصنفره

 -  بعد استخدام الصنفره علي سطح الريزن، هيتغير لون السطح للون الابيض يمكن الرجوع للون الريزن الشفاف عن طريق دهان سطح الطاوله بطبقه خفيفه من الريزن بعد الانتهاء من الصنفره

 

كيفية حساب كمية الريزن:

مثال توضيحي:

لو المراد عمل طاوله بأبعاد (٦٠ سم * ٦٠ سم * ٣ سم ارتفاع) ، يمكن حساب الكميه المطلوبه عن طريق حساب حجم الطاوله بالمتر المكعب =

0.6*0.6*0.03 = 0.0108 m3

ثم تحويل الكميه من م٣ الي لتر عن طريق محول الوحدات من جوجل علي اللينك ده 

و بذلك تكون الكميه المطلوبه ١٠،٨ لتر بما يساوي ١٠،٨ كجم ريزن تقريبا

 

ملحوظه: في حالة صب الريزن علي الخشب يجب حساب حجم الخشب المستخدم و طرحه من الكميه السابقه

 

تابعونا في المقالات الجايه، عشان نعرف معلومات اكتر عن ال DIY

 

و انضموا لجروب بيزي هاندز اكبر تجمع لل DIYers في مصر و الشرق الاوسط بالضغط علي اللينك ده

يمكنك قراءة مصدر المقال بالضغط علي اللينك ده