"إعادة تطوير الأثاث القديم"

كتابة

م. أمير عبد الرحمن

عندي سفره قديمه و مش عايز افرط فيها، لانها عزيزه عليا جدا، ده غير ان جودة الخشب فيها عاليه و متينه، انا عايز بس اغير لونها او اجددها تجديد بسيط من غير ما شكلها يبوظ، و كمان عايز اجدد الكراسي و طبعا كائن النيش العظيم اللي لا يمكن الاستغناء عنه في اي بيت مصري، اعمل ايه عشان اجدد الحاجات دي بشكل احترافي جميل و من غير ما شكلها يبوظ؟

 

قبل ما نشرح ازاي نطور اثاث بيتنا القديم و ايه هي الخطوات بالتفصيل، خلينا نتعرف الاول علي مصطلح جديد ممكن ميكونش اغلبنا سمعه قبل كده، المصطلح ده اسمه

اعادة تطوير الاثاث القديم“ 

Upcycling

دهان خشب قديم

 

و ده معناه تجديد اثاث بيتك القديم باستخدام الدهانات او بعض الادوات البسيطه الاخري اللي تحسن شكله وتعلي من قيمته

 

 ”اعادة تطوير الاثاث القديمليه فوائد كتيره هنقول بعض منها في مقال النهارده و ان شاء الله في المقالات القادمه هنشرح بالتفصيل الخطوات الصحيحه اللتي يجب اتباعها لتطوير اثاثنا القديم بشكل عصري و انيق

 

بس خلينا نعرف الاول ايه معني كلمةتطوير الأشياء القديمهو هو اعادة تدوير المواد و الخامات بشكل مبتكر و تحويلهم لمنتجات صالحه للاستخدام، اذا كان في البيت او في مكان العمل، في اشياء كتير بتكون غير مستخدمه و ممكن اعادة تدويرها واستخدامها بشكل افضل

 

واعادة تطوير الأثاث القديمهي طريقه تتبع نفس المبدأ و بالتحديد مع الأثاث، عن طريق استخدام بعض المواد و الادوات اللي تجمل الاثاث القديم و تعلي من قيمته

 

بس ايه هي فوائد اتباع المبدأ ده؟

١- الحفاظ علي البيئه

اعادة التطوير بتخلينا نقلل المواد التي يتم القائها في النفايات، بعض هذة المواد بتتكون من مواد كيميائيه خطره، اللي بتؤدي لتحلل التربه، و لو وصلت للمياه بتكون سبب رئيسي في تلوث المياه، ده غير التلوث البصري اللي بينتج عن القاء النفايات بشكل كبير

 

ده كله بجانب التلوث اللي بيحصل في الهواء بسبب تحلل المواد دي، و بالنسبه للأثاث تحديدا فحرق الخشب بيتسبب عنه اضرار للبيئه بسبب تلوث الهواء

 

٢- الحفاظ علي الموارد المحدوده

تخيل نفسك بتاخد عفشك القديم كله و ترميه في النفايات في حين انك بخطوات بسيطه جدا تقدر تجدد العفش ده و تعمل منه اثاث جديد تقدر تبيعه بقيمه عاليه تفيدك ماديا، و الكلام ده مش بينطبق عالخشب فقط، ولكن علي كل المواد تقريبا، و ده بيخلينا نتخلي عن الحاجه الي استخدام مواد خام جديده

 

٣- التوفير في تكلفة الانتاج

في ناس كتير عندها ورش و بتتعب عشان تلاقي المواد الخام من الخشب و خلافه و لو لاقوا المواد دي بتكون مش بجوده كويسه، فحين ان اغلبنا عنده حاجات قديمه في البيت و اغلبنا بيرميها، لو انت عندك ورشه و قررت تبتدي بالخشب و الاثاث القديم عندك في البيت هتوفر علي نفسك في تكلفة المواد الخام كتير و بالتالي هتقدر تحقق ارباح اكتر

 

٤- دعم المشاريع الصغيره

تطوير الاثاث القديمبيساعد و يدعم اصحاب المشاريع الصغيره، لان مساحة الابتكار و الابداع بتكون عاليه جدا و بالتالي اصحاب الورش الصغيره بيكون عندهم فرصه لاطلاق ابداعهم و التطوير بشكل كبير، وبالتالي اهتمامك بالشغل ده هيدعم اصحاب المشاريع الصغيره

 

٥- التشجيع علي الابتكار و التطوير

المنتجات اللي بيتم انتاجها باستخدام المبدأ ده بيكون دايما فيها ابداع و تطوير كبير، وبتكون شكلها عصري و مختلف، و في افكار كتير هنتكلم عنها في المقالات القادمه ان شاء الله

اثاث مطور

ده كان تعريف عام عن مبدأتطوير الأثاث القديمو ٥ فوائد اساسيه لاتباع المبدأ ده، تابعونا في المقالات القادمه عشان هنتكلم اكتر عن افكار كتير نقدر نطور بيها في اثاث بيوتنا و تتيح لينا فرص كمان لزيادة دخلنا