"تحسين أثاث البيت"

 كتابة

مأمير عبد الرحمن

إعادة التدوير أو المعروف باسم ال Upcycling ، والمعروف أيضًا باسم تحسين الأثاث القديم ، هي عملية تحويل المنتجات الثانوية أو النفايات أو المنتجات غير المفيدة أو غير المرغوب فيها إلى مواد أو منتجات جديدة يُنظر إليها على أنها ذات جودة أعلى ، ذات قيمة فنية أو قيمة بيئية.

إعادة التدوير مش بس مجرد مصطلح حلو، و لكنه كمان طريقه ابداعيه لانتاج نفايات اقل، ده غير دوره في المساهمه البناءه للوصول الي الاستدامه اللي بتهدف للحفاظ علي البيئه.

و كمان اعادة التدوير او تحسين المقتنيات القديمه بيتحول مع الوقت لهوايه ممتعه جدا، اول ما تبتدي تفكر فيها، بتبتدي تلاحظ الحاجات اللي ممكن يعاد تدويرها في كل مكان.

الحاجه الجميله في إعادة التدوير هو أنه مفيش حدود للإبداع، أي حد يقدر انه يبتدي مشروع اعادة تدوير و يبدع فيه بدون حتي ما يكون عنده مهارات سابقه، و خصوصا لما تقرر تحسين أثاث بيتك القديم، و تقدر تشارك المشروع اللي بتعمله كمان مع الناس اللي بتحبهم، و ده بيزود من ارتباطك بالمكان اللي انت عايش فيه و الأثاث اللي انت حسنته.

و النهارده حابب اقولكوا علي شوية نصايح تساعدكوا في عملية تحسين الأثاث القديم بابداع و تطوير.

 

١- التحضير

التحضير هو مفتاح تحسين الأثاث بشكل مبدع، خطط كويس قبل ما تبدأ و اتأكد من توافر الأدوات والمعدات اللازمة للقيام بالمهمة. مركزي بيوفرلك تشكيله متميزه من المنتجات تقدر تساعدك في اي مشروع اعادة تدوير بتفكر فيه، تقدر تشوف تشكيلة الادوات و المعدات لو ضغطت علي اللينك ده.

امسح كل الأثاث اللي عايز تحسنه قبل البدأ في عملية ال Upcycling ، عشان تتجنب ان الفرشه بتاعتك تقابل اي رايش او شبك عنكبوت مثلا!

و احذر من الاستعجال في الحصول علي نتيجه نهائيه، لان السر في اتمام مشروع Upcycling ناجح هو الصبر و عدم التسرع في اتمام المشروع.

 

٢- كن مبدعًا

لما تشوف قطعة أثاث قديمه في البيت و تفكر انك عايز تجددها، حاول تخليك مبدع، فا مثلا: تعتبر السلالم القديمه مكان رائع لعرض النباتات، و لو عايز تلاقي افكار مبدعه هايله انضم لجروب بيزي هاندز اكبر تجمع لاصحاب الحرف و مبدعين ال DIY في الوطن العربي و الشرق الاوسط، هتلاقي افكار كتير مبدعه تساعدك، انضم الان بالضغط علي اللينك ده

٣- ابحث في بيت اجدادك

لو لقيت قطعة اثاث عتيقه معروضه في معرض لبيع الاثاث بسعر غالي و عليها طلب كبير، اغلب الظن انك هتلاقي نفس القطعه دي لو دورت كويس في بيت جدك و جدتك، كل اللي عليك انك تطلعها و تنظفها و تبتدي تشتغل علي اعادة تدويرها و تحسينها باستخدام المنتجات الصحيحه اللي تقدر تشتريها بكل بساطه من علي موقع مركزي بالضغط علي اللينك ده

 

٤- المطابقه

تأكد من ان التصميم اللي في خيالك لقطعة الأثاث اللي هتعيد تحسينها مطابق للعصر و الشكل اللي جايه منه. مثال: لو عندك قطعة اثاث من الخمسينات، اكيد هيكون شكلها مش احسن حاجه لو حاولت تدهنها بألوان باستيل زاهيه عشان تديها مظهر عصري، لازم نكون متعاطفين جدا مع النمط الاصيل لقطع الاثاث اللي بنجددها عشان متفقدش طابعها الجميل.

 

٥- كلف

لو صرفت شوية فلوس اضافيه علي فرش طلاء بجوده عاليه، هتتأكد من جودة المنتج النهائي اللي بتنفذه، و مش هتلاقي بعض الشعيرات الفاضله اللي تبوظلك شكل المنتج النهائي، لازم تتأكد من جودة كل المواد اللي بتستخدمها، و بعد الاستخدام او اثناء الراحه، اتأكد انك تلف الفرشه بتاعتك في ورق قصدير (سوليفان) عشان تحافظ علي رطوبة الفرشه و اتأكد من تنظيف الفرشه جيدا بمجرد الانتهاء من الشغل.

٦- تجميع الشرابات

جمع الشرابات القديمه في البيت (النظيفه طبعا) لانها بتكون ممتازه في وضع الشمع علي الأثاث، بس اتأكد ان مفيش اي جوانب تكون رقيقه او سايبه في القماش عشان متلزقش في الشمع.

 

٧- شيل المقابض

قم بإزالة مقابض الأدراج القديمة قبل البدأ في العمل عشان متلاقيش نفسك بتحاول تدهن حول المقابض في اماكن ضيقه، و ممكن تغير لون المقابض نفسها كمان لو حبيت.

 

٨- الفينيش

بمجرد الانتهاء من تحسين قطعة الأثاث ، اتأكد من حمايتها عن طريق اعطاءها طبقة ورنيش لإطالة عمرها، اكيد لو عملت كل المجهود ده، لازم تعطيله الاحترام الكافي بفينيش مظبوط، و تقدر تحصل علي منتج ورنيش ممتاز لو ضغطت علي اللينك ده.

 

٩- كن جريئا

استمتع و متخافش انك تغلط، انت مش ملزم بأي اشكال معينه، و الانترنت مليان افكار و زي ما قلتلك قبل كده جروب بيزي هاندز مليان بالمبدعين و اصحاب الحرف و الفنانين اللي هيساعدوك بأفكار كتير مبدعه هتساعدك و تلهمك

١٠- متخافش

ماتخافش انك تحاول و تبدأ و تفشل، احنا في مركزي دايما بنقول مع ال DIY مفيش أخطاء، فقط دروس مستفاده.

 

تابعونا في المقالات الجايه، عشان نعرف معلومات اكتر عن ال DIY