مراحل تشطیب شقتك

بنسمع كتير عن شقق للبيع و يجي يقولك التسليم نص تشطيب أو تسليم تشطيب كامل, طب هو أيه الفرق و هم ايه اساساً مراحل التشطيب دي, و ازاي أستلم التشطيب السليم و أقدر أحدد العيوب اللي موجودة إزاي.
عشان نفهم الموضوع بوضوح, هتكلم معاك من الأول خالص ببساطة هي الشقة دي بتتعمل إزاي؟

أيًا كان الشقة دي في عمارة أو عبارة عن فيلا, فأول خطوة بتتعمل هي بناء الهيكل الخرساني للمبني, الهيكل ده بيتكون من أعمدة و كمرات و بلاطات كل ده بيبقي عبارة عن خرسانة مسلحة لا يوجد فيه تدخل من المستخدم (اللي هو أنت) لأن المسئولين في هذه المراحل هو المهندس و المقاول , بعد ما تم بناء الهيكل الخرساني ده بنيجي بقي نقسم الفيلا أو الأدوار اللي في العمارة بإستخدام الحوائط الخارجية و الداخلية و دي بتكون أول مرحلة من مراحل التشطيب.

 

إيه هم مراحل التشطيب :

1) أعمال المباني

هي عملية بناء منشأ (الحائط), عبارة عن وحدات صغيرة (الطوب) يتم رصها بطريقة منتظمة و تماسكها مع بعضها بأستخدام المونة, يكون غرض بناء الحوائط هو تقسيم المساحات مع عزل الصوت أو الحرارة علي حسب نوع الطوب المستخدم.

2) أعمال السباكة

ببساطة شديدة أعمال السباكة تتولي عمليات دخول المياه و خروجها من البيت في صورة صحية و امنة, وهي عبارة عن ثلاث مكونات رئيسية (مصدر المياه – نظام الصرف – المواسير).

3) زرع خراطيم الكهرباء في الحوائط

تعد هذه خطوة من أعمال الكهرباء و لكن نظرًا لأهمية ترتيب هذه الخطوة فأطلقت علي هذه المرحلة (زرع خراطيم الكهرباء) بدلا من أعمال الكهرباء . حيث يتم في هذه المرحلة تثبيت العلب و الخراطيم و كل الأعمال المدفونة في الحوائط.

  4) حلوق الشبابيك والأبواب

بعد الأنتهاء من أعمال المباني و عمل الفتحات اللازمة في الحوائط و الجدران للشبابيك و الأبواب تأتي لاحقًا هذه المرحلة و هي من بند أعمال النجارة , حيث يتم تثبيت الهيكل الخشبي للشباك أو الباب.

5) أعمال المحارة

ما يتم في هذه المرحلة هو تكسية الحوائط بالمونة الأسمنتية لتسوية السطح و تمهيده لمرحلة النقاشة.

6) كرانيش الجبس

غرض هذه المرحلة هو التمهيد لتزيين السقف و مناطق إلتقاء الحوائط مع السقف و يوجد أنواع و أشكال كثيرة من الكرانيش.

7) التكسيات الأرضية

يتم تغطية البلاطة الخرسانية بإستخدام أساليب مختلفة و لكن أكثرهم شيوعًا هو البلاط و السيراميك و البورسلين والدهانات الإيبوكسية.

8) النقاشة

هي أخر عمليات التشطيب و يتم فيها دهان الحوائط و الأسقف بالمواصفات المطلوبة و التشطيب النهائي للحمامات والمطبخ , و الإنتهاء من أعمال الكهرباء.

     

هذه هي المراحل التقليدية إستنادأ إلي الثقافة المصرية في البناء التي تقتصر علي البناء بإستخدام الخرسانة المسلحة , بينما يوجد بقاع أخري من الأرض يكون الأغلبية من البيوت من الخشب أو مواد أخري.

كل مرحلة من المراحل دي جواها تفاصيل كتيرة جدًا و احنا في مركزي هدفنا تزويد الناس بالثقافة الكافية  اللي تخليهم يقدروا يقوموا بأعمال في بيوتهم بنفسهم , وعشان كده هنتكلم في مواضيع كتير محتواها أعمال البناء و صيانة البيوت.

تابع المقالات اللي جاية هنتكلم عن المراحل دي كلها بالتفصيل، ولو حابب تقرا مقالاتنا اللي فاتت والمقالات اللي جاية تقدر تقراها من اللينك دة.

https://markazzy.com/blogs/news

 

كتابة وإعداد:

م. محمد راشد

 

المصادر:
https://homeguides.sfgate.com/install-plumbing-new-home-56399.html

http://quattro-designs.blogspot.com/2016/12/2.html

https://theconstructor.org/building/work-sequence-building-construction/26615/