"DIY خبير"

فكرة انك تعمل حاجه بايدك ممكن تكون فكره غريبه شويه ومش جذابه، يعني فكرة انك تعمل شغل #سباكه ولا #دهانات ولا #تركيب #ارضيات بايدك ممكن تخليك تخاف انك تبوظ حاجه

احنا فاهمين كويس ان مش كل الناس اتولدت عشان تكون كده وطبعا انك تكون صريح مع نفسك و تعترف بالموضوع ده، حاجه كويسه جدا، بس لو انت من النوع التاني اللي حابب يجرب يعمل #شغل البيت بإيده و يفتخر بيه و يحب يشاركه مع اصحابه والناس اللي بيحبهم، فخلينا نقولك ان الموضوع مش بالصعوبه اللي انت متخيلها، بالذات لو عندك الرغبه والدافع انك تكون خبير وناجح

 وعشان كده احنا جينا النهارده نقولك علي ٧ نصايح يساعدوك تكون خبير في الدي آي واي 

١- ابتدي بمشاريع صغيره

#المشاريع الصغيره هتديك ثقه في نفسك وهتشجعك جدا جدا، ده بجانب انها هتديك #مهارات تساعدك تعمل #مشاريع اكبر في #المستقبل، وبننصحك لما تيجي تبتدي اول مشروع متبتديش بمشاريع #السباكه ولا #الكهربا في البدايه، لان الغلط في الحاجات دي بيكون مكلف وخطر

انما مشروع صغير زي انك تعمل #كاونترتوب جديد من #الريزن في #المطبخ مثلا ده هيكون مشروع سهل ليك وانت لسه بتبتدي. لان نوع #المشاريع دي هيعلمك #مهارات مهمه زي #الصنفره و #الدهان و #تلوين و #خلط و #صب الريزن، ده غير انه هيعلمك استخدام #ادوات جديده، و اكيد البدأ بمشاريع صغيره في البدايه هيخليك تبعد عن تعقيدات المشاريع الكبيره، اللي ممكن تقلل من ثقتك في قدراتك وتحبطك في البدايه، ولو مش عارف تبتدي منين، ادخل علي اللينك ده هتلاقي فيديوهات لمشاريع صغيره تبتدي بيها

٢- استخدم #المواد و #الادوات الصحيحه

كام مره حاولت تستخدم ادوات ومواد مش مناسبه عشان تعمل حاجه في بيتك وفشلت؟ استخدام المواد والادوات الصحيحه مهم جدا عشان تنفذ اي شغل في بيتك بشكل مظبوط وهي دي مهمتنا في #مركزي، يعني لو عندك اي مشكله في بيتك ابعتلنا رساله علي الشات تحت وهنساعدك تلاقي احسن الحلول و الافكار لحل مشاكل #بيتك

٣- متخافش انك تغلط

بدايه كويسه جدا انك تبتدي تتفرج علي فيديوهات وتتخيل نفسك بتعمل الشغل اللي فيها، بس مش معني انك شايف اللي بيتعمل في الفيديو سهل انك هتقدر تعمله بسهوله، طبيعي جدا في بداية اي حاجه اننا نعمل اخطاء، اجمد ناس بيعملوا شغل بإيديهم في العالم عملوا اخطاء في البدايه، اوعي تخلي الاخطاء في البدايه تحبطك، لان اعظم خبرا في اي مجال اكتسبوا الخبره بتاعتهم من الاخطاء اللي عملوها في البدايه، ومش معني كده انهم بطلوا اخطاء، كل ما هتخطأ اكتر كل ما هتتعلم اكتر، او زي ما بيقول المثل المصري المشهور - يموت المعلم ولسه بيتعلم

٤- اعمل الحاجه اللي #بتحبها

ابحث عن مشاريع تتماشي مع اهتماماتك، يعني لو عندك كلب في البيت مثلا ممكن تبتدي بانك تبنيله بيت صغير، ولو عندك قطه فممكن تبتدي بانك تعملي ليها #سرير صغير، ولو بتقضي وقت كبير في المطبخ مثلا ابتدي بدهان الخشب القديم وتجديده، ولو بتقضي وقت كبير في #البلكونه مثلا ممكن تبتدي #بدهان سور البلكونه، البدايه بالشغل في الحاجات اللي بتهمك، هي احسن طريقه لبناء ثقتك بنفسك وتخليك تستمتع بالحاجه اللي بتعملها. وحاول تاخد صور دايما وتكتب الخطوات اللي بتعملها عشان لما تبتدي تشارك الكلام مع الناس يكون معاك دليل كامل تفيد بيه الناس اللي بتحبهم

٥- اعمل البحث بتاعك قبل ما تبتدي

البحث الكويس اول خطوه في نجاح مشروعك، اي معلومه بتدور عليها هتلاقيها علي الانترنت واحنا في مركزي بنحاول دايما نجمع المعلومات اللي تساعدكوا تحسنوا بيوتكوا، عن طريق المقالات والفيديوهات اللي بتنزل بشكل دوري علي صفحتنا، وقريبا ان شاء الله هيكون لينا قناه علي اليوتيوب عشان نقدر نوفرلكوا كل المعلومات اللي تحتاجوها، ده غير طبعا الموقع بتاعنا اللي تقدر من عليه تطلب كل حاجه تحتاجها بأحسن سعر واحسن جوده وتوصلك لحد البيت بكل راحه وامان

٦- اكتشف

أول ما تنجح في تنفيذ المشاريع الصغيره، اوعي تتردد انك تعمل مشاريع اكبر، ممكن يكون الموضوع مخيف ليك في الاول بس اول ما هتبتدي اول مشروع صغير، هتلاقي ان خبرتك في المشاريع الصغيره هتساعدك تنجز مشاريع اكبر واكتر، اهم حاجه تكون صبور و متزهقش ومتخافش من الفشل
المشاريع الكبيره ما هي الا مجموعة مشاريع صغيره، بالصبر والمحاوله الكتير هتقدر تخلص المشروع بتاعك. وزي ما قلنا في نقطه رقم ٣ اوعي تخلي الاخطاء او الفشل يحبطك، الخطأ هو البدايه الصحيحه للنجاح، المهم تخليك مثابر وحاول كتير، وبنوعدك في وقت صغير هتكون مصدر الهام لكل اللي حوليك وهيحاولوا يتعلموا منك ويقلدوك، ومين عارف؟ ممكن ربنا يكرم وتبقي خبير كبير

٧- استمتع

متعة انجاز حاجه بايدك متعه ملهاش مثيل، وكل ما انجزت مشاريع اكتر كل هتلاقي نفسك مبسوط ومستمتع وفخور باللي بتعمله، ومشاركة المشاريع مع صحابك والناس اللي بتحبهم بتخلي المتعه دي تزيد خصوصا لو اشتركت معاهم في مشروع تعملوه مع بعض

دول كانوا ال ٧ نصايح اللي يساعدوك انك تبتدي شغل بإيديك، يارب يكون فيها فايده ليكوا وتشجعكوا تبتدوا مشاريعكوا بإيديكو