"صنايعي Vs DIY"

أغلبنا دلوقتي عندة وقت فاضي وهو قاعد في #البيت، وفي جزء مننا ابتدي يبص لبيته ويحاول يفكر في طرق عشان #يصلح و#يعمل حاجات في البيت كان مأجلها بقالة فتره، طبعا الشغل بيتدرج علي حسب صعوبته وتعقيده، في شغلانات صغيرة زي انك تغير #لمبة محروقه او تنضف غرفة قديمة في البيت اي حد ممكن يعملها، وفي شغل اكبر شوية زي انك #تدهن #حيطان #غرفة الاطفال بلون جديد او تغير #البلاط القديم و دي بتحتاج صنعه و#حرفه، بس مخبيش عليك في بعض الشغلانات اللي ممكن تكون كبيره ومعقدة علي حد مش محترف وبالتالي هنحتاج فيها صنايعي شاطر ومحترف

بس هو ايه اللي #الصنايعي بيعمله؟
#الصنايعي المحترف بيقوم بعمل او اصلاح الحاجات باستخدام مجموعه من #الادوات و#المواد، مواد: زي #الاسمنت، و#الحديد و#الخشب، او #الحجر. وطبعا في صنايعية #كهربا و#سباكة وصنايعي لكل شغلانه بس خليني اقولكوا اكتر #الشغلانات شيوعا اللي بتحتاج صنايعي ومينفعش نعملها بنفسنا هما الاتي:

#الحدادة او الشغل بالمعادن
الشغل #بالحديد او اي نوع من المعادن بيتطلب حرفيه ومهاره مع شوية علم ده غير انه بيحتاج ادوات ومعدات غاليه وفي بعض الاحيان خطر في الاستعمال عشان نكمل #الشغل. طبعا ده غير #الخبره المطلوبه عشان تعرف تحدد التخانات والاطوال المظبوطة لكل تطبيق مع التأكيد علي استخدام اللحامات والمسامير المظبوطة للتثبيت.
بس امتي بنحتاج شغل الحدادة ده؟ بنحتاجة لما بنيجي نعمل #بوابات حديد مثلا، او سلالم حديد، وساعات #البلكونات كمان او #الكمرات #الحديد، والكمرات دي بنحتاجها لما بنعمل تدعيم #لمبني عايزين نغير في تقسيمة او نضيفلة غرفة جديده، وساعات بنبني هياكل لمباني كامله بالحديد. وطبعا في حالة استخدام الحديد في بناء مباني كبيره ومعقدة بنستخدم برامج متخصصه لعمل #التصميمات.

#صب #الخرسانة
صب الخرسانة من الشغلانات الصعبة اللي بتحتاج فريق متخصص لاتمام الشغل، اوقات كتير بيكون الفريق ده هو فريق النجارين اللي بيقوم بعمل القوالب الخشبية وبيثبتها قبل البدأ في الصب، وطبعا الخبره والحرفيه مطلوبه في شغل زي ده لان لازم الصنايعي يكون علي درايه كاملة بالنسب المظبوطه للأسمنت والرمله والسن والمية لو بيخلط الخرسانة يدويا، ده غير ان اثناء وبعد الصب بيبقي في معدات وادوات مطلوب استخدامها للتأكد من ان الخرسانة تم صبها في القوالب الخشبية بشكل مظبوط وتم ملء جميع الفراغات.

#تركيب #البلاط
تركيب البلاط من اكتر الشغلانات الممتعه واللي ممكن اي حد يعملها بنفسه خصوصا لو بلاطة او بلاطتين في الحمام ملقلقين ممكن بكل بساطه تشيلهم وتغيرهم بنفسك بشوية خطوات سهله وبسيطه، ولكن في حالة لو عايز تركب بلاط ارضية بالكامل وانك تبلط حمام جديد دي طبعا بتكون محتاجة احترافيه ودقة في الشغل ودي طبعا بتحتاج صنايعي محترف.

أعمال السباكة والكهربا
ودول احنا بنعتبرهم الدم والعصب بتاع اي بيت ودة طبعا لانهم من اهم الشغلانات اللي بتحتاج علم ومهارة وكفاءه في الشغل عشان تقدر تتأكد من جودة اعمال تغذية وصرف المياة بشكل مظبوط، واعمال انارة وتوصيل #الكهرباء لكل مكان في بيتك بشكل آمن

ودلوقتي جة معاد السؤال الصعب اللي محدش بيلاقيلة اجابة
ألاقي فين صنايعي شاطر؟ مخبيش عليك ده سؤال ملوش اجابة، لان مفيش حد فينا تقريبا الا وكان عندة تجربه صعبة مع صنايعي او اتنين، بس اللي احنا عارفينة ومتأكدين منه في مركزي ان في صنايعيه شاطرين في مصر بس للأسف مش واخدين حقهم وشغلهم مستخبي وسط الشغل اللي سمعته وحشة، وعشان كدة احنا في مركزي قررنا اننا نجمعلك كل الصنايعيه الشاطرين في مجالات مختلفة، وهنحاول علي قد ما نقدر يكون عندنا تنوع في الصنايعيه عشان نقدر نخدم عملائنا بالشكل اللي يرضيهم.

بس زي ما بننصح عملائنا دايما هننصحك #النصيحة الاهم، لو في شغلانة بسيطه ومش محتاجة حرفيه بشكل كبير متكسلش وجرب #تعملهابنفسك وهتشوف ازاي الموضوع ده هيفرق في نفسيتك وفي جودة الشغل اللي هيطلع.

#مركزي #مركز_تحسين_البيوت