الدھانات الإیبوكسیة بتصنع المجد !

 

اتكلمت في مقالة اللي فاتت عن إزاي مجال التشطیب بیتقدم و بیتطور عن زمان بشكل ملحوظ بس أحنا مش واخدین بالنا و لو أنت قریت المقالة اللي فاتت ھتعرف إن أھم عامل من عوامل اللي أدت لتطور تشطیب الأرضیات ھو إستخدام الإیبوكسي كمادة من مواد البناء,وده حاجة تخلیني أقولك إن الدھانات الإیبوكسیة بتصنع المجد.

 

لو مقرتش المقالة تقدر تقراھا من ھنا (لینك المقالة).
اللي عایز اوضحوا في المقالة دي ھو إن الموضوع مش متوقف بس علي إستخدام الإیبوكسي في الأرضیات، الدھانات الإیبوكسیة مجالھا واسع و تطیبقاتھا متعددة و تقدر أنت بنفسك تكتشف ده. بس عشان تكتشف ده بصورة صحیحة لازم تعرف بالظبط یعني ايه دھانات إیبوكسیة ؟!
الدھانات الإیبوكسیة بتتكون من حاجتین رئیستین أولھم الراتنجات (resins , (ده مصطلح كیمیائي بیطلق علي مجموعة من العصارات النباتیة, بیبقي عبارة عن مركب طبیعي أو صناعي بیبدأ بدرجة عالیة من اللزوجة و یتحول إلي درجة عالیة من الصلابة عند معالجته, تاني حاجة ھي ُمصلب (hardener , (دوره إنه یتفاعل مع الراتنج عشان تتم عملیة التصلد بشكل سلیم, ناتج التفاعل بین الراتنجات الإیبوكسیة و المصلب ھو المنتج النھائي اللي بنتكلم عنه (الدھانات الإیبوكسیة).
طیب أنا عایز أوصلك ایه من الكلام ده ھو إنك تفھم معایا خصائص الدھانات الإیبوكسیة عشان تعرف توظفھا كویس، أنا ھقدر الخصھملك في نقاط:
- الدھانات الإیبوكسیة لھا قدرة عالیة علي التماسك
- الدھانات الإیبوكسیة مقاومتھا عالیة جدًا للأحمال لدرجة إنھا بتكون الحل الأمثل في أرضیات المصانع والجراجات.

 

- الدھانات الإیبوكسیة مقاومتھا للكیماویات عالیة جدًا، فبتستخدم كعازل جید في الخزانات.
- الدھانات الإیبوكسیة مقاومتھا للحریق عالیة حاجة زي المادة دي بالخصائص الجمیلة دي مینفعش نحجم إستخداماتھا في المصانع والجراجات والخزانات بس، وبالأخص إنھا مش مادة صعب الحصول علیھا.
- ایوة یعني ھنستخدمھا في ایه بردو ؟! أنا ھقولك یا فندم دلوقتي ناس كتیر ابتدت تطور من إستخدام الدھانات الإیبوكسیة في البیوت عندھا، ھقولك علي مثال وأشرحلك إزاي تعمله.

 

أو الطرابيزات COUNTERTOP

عاوزك تتخیل معایا كده فرق بین سعر نفس القطعة مصنوعة من الرخام و الخشب.

بص یا فندم اللي قدامك في الصورة دي مش رخام دي مجرد قطعة خشب مدھونة بدھانات إیبوكسیة ملونة عشان تدیك نفس شكل الرخام برده. 
والمفترض إنك بعد ما قریت خصائص الدھانات الإیبوكسیة میبقاش عندك شك إنھا مش ھتستحمل زي الرخام، الفكرة إن المتانة بتاعة الإیبوكسي عالیة جدًا بدرجة أنت مش ھتتخیلھا، فلو أنت عندك شك انا عاوز أفھمك وأطمنك إن الإیبوكسي أول ما أَستخدم، أُستخدم في طلاء السفن والطائرات، وده یأكدلك إن درجة تحملھا عالیة جدًا، ومن أسباب إستخدامھا في countertop في المطبخ إنه مقاومتھا للخدش عالیة ودي حاجة تمیزه عن
الرخام ده غیر فرق الوزن طبعًا.
فوق كل ده إنت ممكن بنفسك تعمل countertop أو طرابیزة من الألف للیاء، و تلونھا بمزاجك كمان.
 
بس عشان تبقي فاھم الموضوع كویس إن الدھانات اللإیبوكسیة اللي موجودة في السوق موجود منھا ألوان تقلیدیة. فأنت عشان تعمل ألوان زي اللي في الصورة ممكن تشتري ال resin والhardener شفافین وتخلطھم أنت وتضیف علیھم الإضافات الملونة في عبوات صغیرة ھتدیك في الأخر اللون اللي انت عایزه وتقدر تدھن بیھم السطح بطریقة شبه عشوائیة ھتدیك الشكل اللي أنت شایفه، ھشرحلك الموضوع في خطوات ركز معایا.

خطوات تنفیذ الدھان علي الأسطح المختلفة

- أولا لازم تحضر المكان كویس اللي ھتشتغل فیه وتخلي بالك إن الدھان الإیبوكسي فترة اللدونة بتاعتھا من ساعة لساعتین بعد كده مش ھتعرف تدھنھا لأنھا ھیكون إبتدا یتصلد.

-  لازم تنظف السطح اللي ھتدھنھا و تتأكد إنھا خالي من جمیع الأتربة أو الزیوت أو الصدأ في حالة الأسطح المعدنیة أو الرایش في حالة الأسطح الخشبیة.

-  بعد عملیة التنظیف والسنفرة للأسطح الخشبیة تأتي ھذه الخطوة وھي دھان السطح ببرایمر یفضل إستخدام الفرشاة وھقولك لیه بالفرشاة مش بالرولة (ھذه الخطوة غیر إجباریة) ولكن في بعض الأحیان تكون ضروریة، طب تعالي نفھم غرض الخطوة دي عشان أنت لوحدك تعرف تقرر إمتي اطبقھا وأمتي لأ، بص یا فندم في حاجة كده لازم تعرفھا ھندسیًا إن اي مادة موجودة تحتوي علي فراغات أو بمعني أدق تحتوي علي مسام، المسمام دي بقي ساعات بتبقي فاضیة وساعات بتبقي مشبعة، خلینا في الحالة الفاضیة وأنت جیت دھنت الإیبوكسي علي
العنصر بتاعك كل اللي ھیحصل إن نسبة كبیرة جدًا من الكمیة اللي أنت دھنتھا ھیشربھا العنصر بتاعك أو ھتخش المسام دي، فعشان كده بنعمل حسابنا وندھن العنصر من قبل لسد جمیع الفراغات والمسام الموجوة علي السطح، ولكل سطح برایمر مناسب لھا، طیب لیه بندھن البرایمر بالفرشاة مش بالرولة عشان انا مش محتاج سمك من البرایمر والرولة أداة بتدیني سمك ولكن الفرشاة لا.

-  بعد دھان البرایمر نتركھ مدة 3ساعات و نبتدي نخلط ال resinوالhardner بالمواصفات اللي موجودة علي العلبة,) لما تشتري الدھانات الإیبوكسیة ھتلاقي علیھا مواصفات للخلط وطرق الإستخدام( بس خلي بالك من الكمیة اللي أنت محتاجھا قد إیه، وھنا في الخطوة دي تقدر تحط إضافات الألوان.

-  بعد الخلط یتم دھان اللإیبوكسي بالرولة، أو یتم دلقھا علي السطح وفرشھا بالرولة ولكن یجب تسویة السطح جیدًا, ثم یتم ترك العنصر لمدة سعات أخري لكي تحصل علي المنتج النھائي.

ده مثال حي بیوضح إن الإیبوكسي بیصنع المجد, مش بس في تشطیب الأرضیات زي ما إتكلمنا ھنا ولكن في مجالات تانیة.
أنت دلوقتي علي قدر كافي من الوعي بالدھانات الإیبوكسیة وخصائصھا وتعرف تستخدمھا أمتي وأزاي، ولو عندك تطبیقات ممكن تشاركھا معانا في التعلیقات ولو عندك إستفسارات تقدر تتواصل مع متخصصین برده من ھنا contact markazzy

  
والأھم من كل ده دي المصادر اللي تقدر تخش وتقرا بنفسك عن الكلام ده.

http://epoxycountertopdiy.com/

https://epoxyflooringtech.com/history-of-epoxy-resin/