أﻋﻣﺎل اﻟدھﺎﻧﺎت ﻣش ﻣﺣﺗﺎﺟﺔ رﺧﺻﺔ!

مع إحترامي لكل اللي بيشتغلوا في مجال الدهانات بس إحنا في مركزي مقتنعين بإن أي شخص يقدر يدهن شقته لوحده (من طأطأ لسلام عليكم), و عشان كده هنتكلم في المقال ده عن الدهانات.

بحيث يبقي في ناس مؤهلة لو هي عايزة إنها تقوم بالدور ده لوحدها بدون الحاجة إلي نقاش , أو علي الأقل يكونوا فاهمين دور النقاش و التفاصيل اللي بيعملها عشان نتفادي إننا نقع في أي فخ قلة ضمير من أي شخص.

طيب الكلام اللي جي ده طبعًا متاح لأي حد يقدر يطلع عليه من باب التثقيف, و لكن لو أنت جربت قبل كده تدهن أي حائط و ظهر عليه عيوب الدهان , أو لو أنت لسه مستلم شقتك علي المحارة و بتجهز لتشطيبها فأنت محتاج تركز أكتر في الكلام عشان تعرف ايه الخطوات اللي مطلوبة منك تمشي عليها عشان توصل لأعلي جودة.

لو إعتبرنا إن الدهان ده مشروع, فأساسيات بداية أي مشروع هو إنك تعمله زي دراسة أو تحطله خطة, عشان تفهم منين بيودي علي فين.

و دي أول خطوة هنعملها سوا و هي أننا نعمل دراسة للمكان االي هيتم طلائه و نحددله بالظبط نوع الدهان اللي أحنا هنستخدمه و ليه هنستخدم النوع ده مخصوص.

طيب هي إيه أساسًا أنواع الدهانات المستخدمة في الطلاء؟

الدهانات مصنفة نوعين :

دهانات زيتية Oil-based paints

ترجع أسباب إستخدام الدهانات الزيتية الرئيسي؛ هو قوة تحملها و متانتها العالية فهي تستخدم بكثرة في الأبواب و الأثاث و المطبخ و الحمام ,

تخفف الدهانات الزيتية بإستخدام التنر و من خصائصها أنها :
- تعتبر أقل إنتشارًا بسسب صعوبة التنفيذ و التكلفة العالية
- لها رائحة نفاذة عند الدهان
- من عيوبها أن لونها بتغير مع الزمن

 

 

دهانات مائية (بلاستيك) Water-based paints

تعد الدهانات المائية الأكثر إنتشارًا و شيوعًا في هذه الفترة , وده بسبب سهولة إستخدامها و أقل تكلفة عن الدهانات الزيتية , حيث إنها تعتمد علي الماء في تصنيعها و تخفيفها.

و هذه بعض الخصائص المهمة لها:

- تستغرق وقت جفاف قليل في حدود ساعتين
- لا يتغير لونها بمرور الزمن, و ألوانها متعددة
- ذات مقاومة ضعيفة لذلك لا يفضل إستخدامها في المطابخ أو الحمامات
- يجب الأخذ في الإعتبار أنه في حالة إستخدام الدهان المائي (البلاستك) علي طبقة دهان زيتي أنه لا يعطي قدرة تماسك كافية لذلك ينصح بسنفرة السطح أولًا

 

طيب أنا كمستخدم عرفت إيه الأنسب ليا من حيث نوع الدهان.

هل في تصنيفات تانية للدهانات؟

أيوة تصنيف الدهانات من حيث درجة اللمعان

 الدهانات المط (matte paints or non-gloss paints)

هي الأكثر إستخدامًا للحوائط الداخلية, هذا النوع من الدهان ليس له بريق أو لمعان لذلك يعد من أفضل الأنواع في الأماكن التي لا تحتاج فيها إلي تشتيت بصري, أيضًا يخفي التعرجات او التشهوات الموجودة بالجدران, بالإضافة إلي ذلك فهو سهل الإستخدام.

 الدهانات اللامعة (Glossy paints)

يعد أيضًا من الدهانات المنتشرة, فهو يتميز بدرحة اللمعان الشديدة و يستخدم بكثرة علي الأعمال الخشبية بسبب لمعانه, في حالة إستخدام الدهان اللامع يتطلب أكثر من طبقة دهان واحدة للوصول إلي البريق المطلوب, يستغرق الدهان اللامع مدة أطول في الجفاف عن الدهان المط

 )

(الدهانات شبه اللامعة (نص لمعة) (semi-gloss paints)

ما يميز هذه الدهانات متانتها العالية عن الدهان المط, بجانب سهولتها في التنظيف مع الإحتفاظ بلمعان مناسب غير مكلف, و عادةً تستخدم في الزخرفة و طبقًا لقاعدة إنه كلما زاد اللمعان كلما وضحت تعرجات الحائط فهذا النوع يعيبه عن دهان المط انه لا يخفي التعرجات و التشهوات في الحائط.

 

 دهانات الساتان أو قشر البيض (Eggshell and satin paints)

تقع هذه الدهانات بين الدهان المط و دهان شبه اللامع, تستخدم في الأماكن المعرضة لظروف صعبة مثل الحمامات أو المطبخ بسبب تميزها بالمقاومة العالية.

 

دلوقتي أنت عندك خلفية واضحة تقدر بيها تحدد علي أساسها الحلول للإحتياجات اللي عندك في البيت, برده في شوية إرشادات كده هنتبعها قبل بدء عملية الدهان.

هي إنك و أنت بتشتري الدهان بتشوف المواصفات  بتاعته و معدل إستهلاكه عشان تعرف إنت هتحتاج كمية قد إيه من الدهان و تتأكد من نوعه.

ودة بيكون مكتوب بالتفصيل في النشرة الفنية للمنتج اللي بتشترية وتقدر تشوفة أونلاين علي مركزي Markazzy (https://markazzy.com/collections/construction-paints)

طيب بعد ما قررت نوع الدهان المناسب هتيجي مرحلة التطبيق اقرأ المقال اللي جاي عشان تعرف الخطوات السليمة للوصول لأفضل جودة في تطبيق الدهان علي الحوائط.

وتابعنا علي صفحتنا علي الفيس بوك  من هنا عشان تتعرف اكتر علي شغلنا

و لو عندك مشكلة في بيتك و عايزنا نساعدك في حلها إبعتلنا عالأيميل دة info@markazzy.com  و هيكلمك واحد من المهندسين المتخصصين بتوعنا و يساعدوك في حل مشكلتك إن شاء اللة.

 

المصادر: https://www.elledecor.com

https://www.doityourself.com