أفكار ديكور البيت

٥ طرق تخلي #بيتك يعبر عنك

زهقتي من #ديكور بيتك؟ حاسة إن كل حاجة فيه مش لايقة علي بعض؟ نفسك تخلي بيتك بيعبر عنك ومش عارفة تعملي كده إزاي؟🤷🏻‍♀️

النهاردة جايين نقولك ٥ #أفكار تخليكي تضيفي طابع #شخصيتك علي بيتك بدون ما تصرفي كتير وتخربي ميزانية البيت💡💵

١ جربي #حرفة #يدويه جديدة🤚

عايزة تجملي بيتك وتخلية بيعبر عن شخصيتك؟ خليكي مبدعه واتعلمي حرفة جديده تساعدك تضيفي للبيت الاستايل بتاعك، الموضوع مش صعب، الخياطة والديكوباج والكروشية حرف بسيطه وسهله تقدري من خلالها تعملي حاجات تساعدك اضافة اكسسوارات وتجميل #أثاث بيتك بخطوات بسيطة وبتعبر عنك، دة غير فن #الريزن اللي طالع موضه في العالم كلة واللي بيخليكي تعملي منتجات جميله في بيتك زي #الكوستر، و#الكاونترتوب و #الترابيزات اللي هتساعدك تخلي بيتك مبهر وبيعبر عنك، ولو مش عارفة تبدأي منين عملنالك #فيديوهات عشان #تساعدك خطوه بخطوه.

٢ ابدعي في التصميمات البسيطه

في موضة في العالم في #الديكور الداخلي اسمها ال Industrial look او الشكل الصناعي ودي طريقة لتجميل البيت باستخدام قطع زي اكسسوارات الاضاءه والترابيزات وسلوك الكهربا المستخدمه في الورش والمصانع، ودي بتضيف عالبيت مظهر صناعي يضيف #للبيت احساس بالاناقه بشكل بسيط، وممكن كمان اضافة قطع اثاث قديمة من #الحديد او #الخشب اللي تكون عمليه ونفس الوقت تضيف للبيت طابع جميل بيعبر عن شخصيتك النشيطة والقوية

٣ ضيفي تأثير جميل باستخدام #الدهانات😉

الدهانات من #الحرف السهلة اللي ممكن اي حد يتعلمها بسهولة، ولو انتي شاطره في #الرسم كمان هتقدري تجملي وتجددي بيتك بكل سهولة، باستخدام فرشة او رولة صغيره ودهانات بسيطة، تقدري تجددي سور البلكونة او قطع الاثاث القديمة، او حتي تدهني دهان شفاف مط او لامع علي قطع الاتاث القديمة عشان يجددها ويجملها. ده غير الطرق فنية جميله في الدهانات زي ال Rag rolling وال Marbling وال Stippling هنتكلم عليها بالتفصيل في المقالات الجايه.

٤ جملي بيتك بديكور بسيط🌹

#حيطان البيت من الأماكن اللي ممكن تطلعي فيها طاقاتك وابداعاتك وتجمليها باستخدام الصور والبراويز بجانب #ورق #الحائط اللي ممكن يغير شكل غرفة ويضيف عليها طابع شخصي جميل وجذاب، و ممكن بردو نستخدم بعض المرايات الصغيرة الجميل، ده غير #الارفف الشيك اللي بتضيف احساس بالاناقه والشياكة والعمليه في البيت، وطبعا من اهم الحاجات هي #النباتات، النباتات والزهور الجميلة بتساعد علي اضافة لمسة جماليه مع تنقيه الجو من اي غازات.

٥ جددي شبابيك وابواب غرفتك وغرف أولادك👩‍👧‍👦

متفهمنيش غلط، مش بقولك هاتي #شبابيك ولا #ابواب جديدة، ممكن بكل بساطة #تجددي شكل اطار الشباك او الباب باستخدام دهانات جميله وجذابة وبالألوان اللي علي مزاجك، طبعا #الستاير الفوال #الشفافة من الحاجات اللي طالعة #موضه دلوقتي وبتضيف عالبيت احساس بالانتعاش والنظافة مع #الحماية من درجه #الحراره كمان.

دول خمس نصايح جينا نقولهوملك النهاردة، هيساعدوكي تجملي بيتك وتضيفي طابع بيعبر عنك وعن شخصيتك وكل اللي عليكي انك تبدأي.👌🏻

تابعونا في المقالات الجاية عشان هنقولكوا علي نصايح كتير تساعدكوا في تجميل وتحسين بيوتكوا.🙏

#مركزي
#مركز تحسين بيتك