الحل المثالى لطقطقة البورسلين

كتابة

مأمير عبد الرحمن

بقالنا سنين مركبين البورسلين، و كنا قافلين الشقه و بنروح نزورها كل فين و فين، من كام شهر بدأنا نفرش و لقينا البورسلين ابتدا يطقطق، سألنا مهندسين و صنايعيه نعمل ايه و ايه أحسن حل؟؟!

ناس قالت ممكن يتفك و يتركب من تاني، و ناس قالت مش هينفع و كده باظ و لازم نغيره .. ايه الحل الصحيح اللي المفروض يتعمل و ميكلفناش كتير؟؟

قبل ما نجاوب عالسؤال ده بالتفصيل و نعرف ايه هو الحل الأمثل للمشكله دي خلينا نفهم الأول ايه هو الفرق الأساسي بين البورسلين و السيراميك، و ازاي نقدر نفرقهم عن بعض و و ايه الفرق في الاستخدامات بين الاتنين؟

السيراميك و البورسلين يمكن اعتبارهم ولاد عم لان في تشابه كبير في طريقة التصنيع، و لكن في اختلاف جوهري في مكونات كل واحد فيهم

السيراميك: بيتم تصنيعه من الطين و ده بيشكل اغلبية جسم البلاطه و علي السطح بيكون التفنيش بمادة الجليز الزجاجيه اللي بتكون موجوده علي السطح للتجميل و الحمايه

 

البورسلين: يتم تصنيع البورسلين من طبقه واحده و بتكون عباره عن خليط متجانس من الخامات الصخريه

بشكل عام البورسلين بيكون أكثر قوه و متانه و بيتحمل الضغوط و الاحتكاك بدرجه اكبر من السيراميك، و عشان كده هتلاقيه بيستخدم بكثره في المولات الكبيره و المعارض اللي عليها حركة سير بشكل كبير

و طبعا ده بيخلي سعر البورسلين بيكون اعلي من سعر السيراميك، ده غير سعر المصنعيه اللي بيكون اعلي من سعر المصنعيه للسيراميك نظرا لثقل وزن البورسلين و صعوبة تقطيعه

 

 

طيب ازاي اقدر افرق بين البورسلين و السيراميك؟ هل في علامه معينه اقدر احدد بيها بالنظر الفرق بين الاتنين؟

ممكن التعرف علي نوع البلاطه قبل التركيب عن طريق النظر لجانب البلاطه، السيراميك من الجانب بيكون علي شكل قطعتين هما جسم البلاطه نفسه و بتكون لونها بني او لون الطين و الطبقه التانيه بتكون الطبقه الزجاجيه (الجليز) اللي بتكون علي السطح، و بتكون سماكة جسم البلاطه الاكبر لونها بني او لون الطين

أما البورسلين فبيكون شكله من الجانب علي هيئة طبقه واحده بدون اختلاف في الالوان

و طبعا لو حاولت تشيل بلاطتين نفس المقاس واحده مصنوعه من البورسلين و التانيه من السيراميك، هتلاقي وزن البلاطه المصنوعه من البورسلين اتقل

طيب اختار ايه للبيت؟ سيراميك ولا بورسلين؟ 

اجابة السؤال ده بتعتمد بشكل أساسي علي أربع عوامل رئيسيه

 

١- مساحة البيت و تقسيم الغرف

 

لو مساحة البيت صغيره، و الغرف اللي فيه مساحتها صغيره يفضل استخدام السيراميك، اما في الغرف الكبيره و المساحات الكبيره يمكن جدا استخدام البورسلين

 

٢- الميزانيه

طبعا زي ما عرفنا قبل كده البورسلين بيكون سعره اغلي من السيراميك و عشان كده لازم نفكر كويس في الميزانيه اللي حطينها للتشطيبات قبل ما نحدد هنستخدم بورسلين ولا سيراميك

 

٣- التنظيف

البورسلين تنظيفه بيكون اسهل بكتير من السيراميك و كمان البورسلين لونه مش بيتغير مع الوقت، انما السيراميك الانواع اللي بجوده قليله لونها بينطفي بعد فتره و بتلم تراب بسهوله

 

٤- ستايل الغرف

شكل الغرفه و توظيفها و نوع الأثاث المستخدم فيها من العوامل الأساسيه اللي بتحدد نوع الأرضيه الأمثل للاستخدام، غرف الاستقبال مثلا ذات المساحات و الأثاث المودرن يفضل استخدام البورسلين فيها، انما الغرف ذات الاثاث الكلاسيكي يفضل استخدام السيراميك او الباركيه فيها

 

طيب نيجي للسؤال محل الجدل و اللي بيشغل بالنا كلنا لو البورسلين طقطق ايه الحل الأمثل؟

 

أولا في حاجه مهمه جدا لازم ناخد بالنا منها و هي ان تركيب البورسلين بيحتاج صنايعي كويس بيشتغل بورسلين

 

ثانيا نوع مادة اللصق المستخدمه للصق البورسلين يجب اختيارها بعنايه، لذلك يجب دهان البورسلين بمادة سيتوكس اتش قبل التركيب و يتم تركها للجفاف لمدة نص يوم (ممكن تطلب مادة سيتوكس اتش بكل سهوله من علي مركزي لو ضغطت علي اللينك ده و هتوصلك لحد البيت)

 

ثالثا يتم اضافة مادة اديبوند ٦٥ للمادة اللاصقه لزيادة قوة الالتصاق (ممكن تطلب اديبوند ٦٥ بكل سهوله من علي مركزي لو ضغطت علي اللينك ده و توصلك لحد البيت)

 

رابعا بالنسبه للفواصل مهم جدا ان الصنايعي يستخدم صلايب اثناء التركيب و لا يزيد مقاسها عن ٢ مم (ممكن تطلب الصلايب بكل سهوله من علي مركزي لو ضغطت علي اللينك ده و توصلك لحد البيت)

 

خامسا مادة ملء الفواصل او مادة السقيه زي ما الصنايعيه بيسموها و دي بتكون مادة السيتوفيل (ممكن تطلب السيتوفيل بكل سهوله من علي مركزي لو ضغطت علي اللينك ده و توصلك لحد البيت)

 

في بعض الاحيان لما البورسلين بيطقطق وييجي الصنايعي يركبه بيطلع سليم و ممكن بلاط يتكسر أثناء الخلع، البلاط السليم يجب الكشف عليه قبل التركيب، لو حصل تقويس في البلاطه مش هيعرف يركبه تاني، و لكن يمكن إعادة تركيب البلاط الغير مقوس باستخدام نفس الطريقه اللي تم ذكرها فوق

 

دي كانت نبذه سريعه عن الفروق الجوهريه بين السيراميك و البورسلين و كيفية العلاج الأمثل للبورسلين في حالة الطقطقه، تابعونا في المقالات القادمه عشان تعرفوا اكتر عن نصايح مفيده في تحسين البيوت