"قوالب سيليكون رابر"

 كتابة

مأمير عبد الرحمن

مفيش حد بيشتغل بالريزن الا و هيكون عارف اهمية السيليكون رابر، و ده لان السيليكون بيستخدم لعمل القوالب و الاسطمبات بكل أشكالها، طبعا القوالب السيليكون موجود منها قوالب جاهزه و احنا في مركزي بنقدم تشكيله مميزه من القوالب الجاهزه تقدر تطلبها لو ضغطت علي اللينك ده،  و في منها اللي بيتم تصنيعه علي حسب الطلب بس المهم اختيار الماده الخام المظبوطه ، و عشان احنا في مركزي بنحب نعرفكوا كل حاجه اصلها و فصلها ايه في المقال ده هنعرفكوا علي مادة السيليكون رابر و استخداماتها المختلفه في الاعمال اليدويه و الفنيه

 

بس في البدايه لازم نعرف الاول ايه هو السيليكون رابر؟

السيليكون رابر هو مصطلح باللغه الانجليزيه بيكتب كالآتي Silicone Rubber و هو بيختلف عن السيليكون العادي اللي بيستخدم في ملء الفواصل او كلاصق قوي للمواد المختلفه، لان السيليكون العادي بيكون عباره عن مركب واحد و ممكن استخدامه كماليء للفواصل مثال المنتج ده ، و يمكن بردو استخدامه كلاصق زي المنتج ده، أما السيليكون رابر بيكون عباره عن مركبين، مركب أ و ده بيكون وزنه و حجمه كبير و مركب ب و ده بيكون وزنه و حجمه اصغر و بيكون اسمه المصلب، السيليكون رابر بيكون قوامه سائل و يشبه الي حد كبير غراء الاخشاب

 

بتدخل مادة السيليكون رابر في عديد من الصناعات، فايمكن باستخدام مادة السيليكون رابر صناعة قوالب الريزن، و التماثيل، و يمكن بردو صناعة قوالب الاكسسوارات و في انواع خاصه من السيليكون رابر تدخل في عمل قوالب للحلويات و الكيك و لكن يجب الحذر عند شراء مادة السيليكون رابر و التأكد من اختيار الماده المناسبه

 

تتميز مادة السيليكون رابر بأنها مادة مطاطية انسيابية سهل تشكيلها لصناعة و تصميم القوالب و الاسطمبات المختلفه ، ده غير انك باستخدامها تقدر تعمل نسخ للتحف و الديكورات و الانتيكات ، و من مميزاتها ايضا انها تتحمل درجة الحرارة العالية و البرودة المنخفضة جدا و هي مادة امنة جدا على الصحة و تستخدم في صناعة بعض  الاجهزة و الادوات الطبية

 

ينقسم السيليكون رابر من حيث درجة الصلابه لثلاث انواع اساسيه دارجه في السوق و هي درجة صلابه ١٠، ٢٠، ٣٠ و كلما زادت درجة الصلابه كلما زادت جودة السيليكون رابر، و كلما قلت درجة الصلابه بيكون ده معناه ان السيليكون مخلوط بزيت سيليكون و ده بيقلل من كثافة و جودة السيليكون رابر، بس في ميزه مهمه في السيليكون رابر لما بتكون درجة الصلابه بتاعته قليله و هي انه بيكون في درجة سيوله اكبر و بالتالي بيكون افضل لعمل القوالب اللي فيها تفاصيل دقيقه و صغيره جدا و لكن كلما كانت الاشكال المراد صنعها غير دقيقه يفضل استخدام درجة صلابه عاليه من السيليكون رابر

 

بالنسبه لعيوب ماده السيليكون رابر فهي بتتمثل في ضعفها في تحمل قوة الجذب و الشد و لكن مع ذلك فهي غير قابلة للانكماش و لكن للأسف تعتبر ماده ضعيفة من حيث تحمل الاحماض و القلويات

 

بالنسبه لطريقة استخدام السيليكون رابر بالشكل الأمثل يمكن تلخيصها في الخطوات التاليه

١- تحضير الشكل المراد تصنيعه

٢- تنظيف سطح الشكل المراد نسخه باستخدام صنفره ناعمه درجة ٤٠٠٠ يمكن معرفة سعرها و شرائها من اللينك ده

٣- دهان سطح الشكل بزيت سيليكون لتسهيل عملية فك القالب بعد الصب

٤- تثبيت الشكل المراد تصنيعه للتأكد من عدم تحركه خلال فترة الصب

٥- تجهيز كميه مناسبه من السيليكون رابر بنسبة ١ : ٤٠ (يفضل عدم استخدام العبوه كامله مره واحده)

مثال: لو هتصنع قطعه صغيره محتاجه لكميه ١٠٠ جرام تقريبا، يتم اخذ ٢ جرام فقط من المصلب و خلطه جيدا مع السيليكون قبل صبه

٦- بعد اتمام عملية الصب يتم استخدام التورش او البشبوري علي سطح السيليكون للتخلص من اي فقاقيع علي السطح (يمكن معرفة سعره و طلبه من علي اللينك ده)

٧- ترك السيليكون للجفاف لمده لا تقل عن ٢٤ ساعه

٨- فك القالب بعد الجفاف و تنظيفه جيدا و التأكد من عدم وجود شوائب عالقه به

 

و طبعا يمكنك معرفة سعر و طلب مادة السيليكون رابر من اللينك ده و هتوصلك لحد باب البيت

 

و يمكن استخدام القالب اكثر من مره بعد استخراجه بشرط الحفاظ علي نظافته و استخدام زيت السيليكون المناسب

 

دي كانت شوية معلومات جمعنهالكوا في كل ما يخص السيليكون رابر نتمني انها تكون مفيده بالنسبالكوا، تابعونا في المقالات القادمه عشان تعرفوا معلومات اكتر عن الريزن و عن كل ما يخص تحسين البيوت و الديكور